DAVAO CITY – Gibutyag ni Davao City Police Office (DCPO) Col Kirby John Kraft nga kadaghanan sumala pa sa ilang mga personahe ang andam nga magpatuplok og bakuna batok Covid-19 sa higayon nga moabot na kini sa dakbayan.
Gikanayong anaa sa 2,300 nila ka mga personahe ang andam na sa anti-COVID vaccines human nga una ng gi-anunsiyo nga kinahanglan unahon ang mga frontliners ug mga uniformed personnel.
Una na sab nga gibutyag sa gobyerno nga kalakip ang dakbayan sa Davao sa mga siyudad sa nasod ang mahatagan og prayoridad sa higayon nga maabot na ang bakuna kini tungod sa padayon nga pagsaka sa kaso sa Covid-19.
Gani, andam na sab matud pa ang mga sakop sa kapulisan sa ipatuman nga seguridad aron masiguro nga mamentina ang kahusay ug kalinaw sa higayon nga sugdan na ang pagbakuna.
Una ng mipahigayon ang siyudad og simulation exercises isip pagpangandam sa pag-abot sa bakuna karong bulana.
Via // Bombo Emman Dela Peña
