DAVAO CITY – Nagpahimangno karon ang ahensiya sa Department of the Interior and Local Government (DILG) 11 regional director Alex Roldan ngadto sa mga Barangay kapitan ug barangay officials nga kinahanglan dili maapektohan ang ilang mga trabaho partikular na ang pagpanerbisyo sa ilang mga residente.
Tipik lamang kini human nga daghanang mga barangay kapitan ang mihimo ug mga aktibidad aron nga awhagon ni Mayor Inday Sara Duterte-Carpio nga mokandidato pagka-Pangulo.
Sumala pa kang Roldan nga dili matud pa mamahimo nga gamiton sa mga opisyal sa barangay ang ilang oras sa trabaho aron nga mohimo ug mga aktibidad nga dili sakop sa ilang trabaho inay mas maayo sumala pa nga moduso ang mga nahisgutan ug leave arun nga dili makompromiso ang ilang trabaho.
