DAVAO CITY – Gikonsidera sumala pa karon sa mga hog raisers sa Davao region ang repopulation sa ilang mga binuhing baboy human nga halos tanan nga parte karon sa rehiyon ang apektado na sa African Swine Fever (ASF).
Una ng nasayran sa Department of Agriculture (DA) 11 nga mikabat na sa 154 ka mga barangay ug munisipalidad sa rehiyon ang labing naapektohan sa ASF diin anaa sa kapin 41 mil ka mga baboy na ang gipailalom sa culling o pagpatay samtang otso mil sab ka mga hog raisers ang apektado.
Sumala pa kang Atty. Arnie Capuyan, DA-11 ASF Focal, pinakadaghan sa mga naapektohan nga mga hog raisers ang sa Davao Occidental nga maoy ground zero sa ASF sa Davao region nga anaa sa 5,654; gisundan kini sa Davao City nga anaa sa 1,259 ug 1,100 sa Davao del Sur.
Gipasalig sab sa ahensiya nga andam nila nga tabangan ang mga apektadong mag-uuma ug hog raisers diin mamahimo sumala pa kining hatagan ug mga hayop nga mamahimo sab nila nga ma-atiman sama na lamang sa kanding.
