DAVAO CITY – Laoman sumala pa nga makompleto na ang pilot testing sa Safe Davao QR (DQR) system sa siyudad sa unang semana sa Pebrero.
Sumala pa kang Mayor Inday Sara Duterte-Carpio, sa higayon nga makompleto, mandato na ang electronic contact tracing ug travel pass platform alang sa contactless gathering ug electronic storage data sa siyudad.
Kahinumduman nga sa milabay nga semana, gisugdan na ang pagpahibalo sa mga indibidwal pinaagi sa SMS ilabi na kung kini anaa sa lugar nga adunay kumpirmadong kaso sa COVID-19 ug pahimangnoan nga mag-self-quarantine ug imonitor ang bisan unsa man nga sintomas sama sa kalintura, dry cough, fatigue, malisdan sa pagginhawa, diarrhea, mawad-an ug panimhot ug panlasa.
Una na sab nga gitambagan sa Mayor ang publiko nga kung makadawat kini ug susama nga mensahe, mas maayong moadto gilayon sa swabbing center o mo-contact sa COVID-19 operations center.
