DAVAO CITY – Nanawagan karon si Atty. Katrina Jamilla Estares, regional director sa Securities and Exchange Commission (SEC) 11 ngadto sa mga nanag-iya ug korporasyon nga kinahanglan mosumite na kini ug official email address ingon man cellphone sa ilang kompanya.
Sumala pa kang Atty. Estares, nga nagpagula karon ug Memorandum Circular number 28 ang ahensiya nga nagmando sa mga korporasyon sa pagsumite sa gikinahanglan nga mga rekisitos.
Gikanayong deadline niini sa Pebrero 22, 2021 ug kung mapakyas ang korporasyon sa pagtuman niini, mamahimong aduna nay ipahamtangan nga multa sa Pebrero 23.
Gitambagan na lamang sa nahisgutan ang mga korporasyon sa dakbayan nga dili na hulaton pa ang deadline sa pagsumite niini.
Laraw sumala pa sa maong lakaw nga dali na lamang nga ma-contact ang mga kompanya sa higayon nga pangutana o reklamo.
