Gisugdan na ang pagdili o pagbawal sa Tourism and Leisure Activities sa Island Garden City of Samal (IGACOS), Davao del Norte sugod kagahapong adlawa hangtod Enero 4, 2020.
Sumala sa pamahayag sa LGU ICAGOS nga ayha makasulod,kinahanglan nga magpakita og rekisitos sama sa Samal QR Code o Davao del Norte QR Code Kung diin mas gipahugtan pa sa lokal nga kagamhanan sa IGACOS ang mga rekisitos sa mga indibidwal nga bu-ot musulod sa isla aron masuta kung essential ang tuyo niini.
Gani, pipila matud pa ang wala gipasulod sa isla gumikan nga napamatud-an nga dili essential ang lakaw niini.
Gibutyag ni IGACOS Mayor Al David Uy, mamahimo nga makasulod ang mga dili residente apan kadto lamang adunay negosyo, trabahante sa sulod sa isla ug land owners, kung diin kinahanglan nga magpresenta og mga rekisitos nga nagpamatu-od nga essential ang tumong niini.
