DAVAO CITY – Hugtanon ang gihimong pagpanubay sa kapulisan sa mga simbahan dinhi sa dakbayan dungan sa pagsugod sa simbang gabi o Misa de Gallo kaganina kini aron masiguro nga motamud ang mga manimbahay sa health protocols ingon man masiguro ang seguridad.
Kahinumduman nga anaa lamang sa 30 porsyento sa mga church goers ang gitugot nga makasulod sa simbahan kini aron masiguro nga mapabilin pa gihapon ang social distancing.
Una na sab nga mipahimutang og markings ang mga simbahan sa siyudad ingon man mga pisi nga magsilbing border sa mga musimba.
Gawas niini, adunay ipahigayon na sab nga misa sa mga GKK kini aron nga dili na kinahanglan moadto pa ang mga tawo sa parokya.
Sumala pa kang Capt. Rose Aguilar, tigpamaba sa Davao City Police Office, nga gipangandaman gayud nila ang Misa de Gallo kini aron masiguro nga hapsay kini nga mapahigayon ug mapabilin nga luwas ang mga tawo batok sa COVID-19.
Pahayag ni Capt. Rose Aguilar, tigpamaba sa Davao City Police Office.
