DAVAO CITY – Mipahimangno ang Department of Health (DOH) ngadto sa publiko batok sa mga tawo nga mihimo ug dili otorisado nga solicitations, fund-raising activities, ug uban pang support-for-a-cause activities gumikan sa nagpadayon nga coronavirus disease (Covid-19) pandemic.
Una ng gibutyag ni DOH Davao Center for Health Development director Dr. Annabel Yumang nga nakadawat ang ilang buhatan ug report kalabot sa mga indibidwal nga migamit sa iyang pangalan aron nga mag-solicit ug salapi ug daghanan pa.
Naalarma si Yumang gumikan kay nagpabilin karon ang Covid-19 pandemic apan adunay mga indibidwal ug ornanisasyon nga gikanayong nagpahigayon ug dili otorisado nga aktibidad ug gigamit pa ang iyang pangalan.
Gitataw sab ni Yuman nga gihimo tanan sa DOH aron nga mahimong ug mahatud ang gikinahanglan nga serbisyon medikal isip tubag sa nagpadayon nga pandemic. Gi-awhag sab niini ang publiko nga i-report ang pangalan ug mga kadudahan nga mga indibidwal ngadto sa (082) 305-1903.
