DAVAO CITY – Gipaniguro sa City Social Services and Development Office (CSSDO) XI nga hatagan nila ang mga lumad og mga food packs taliwala sa padayon nga hulga sa Covid-19. Sumala sa pamahayag ni CSSDO Head Atty. Marissa Gallo, nga karong tuiga wala sila nangandam og pasilidad o tuloganan sa mga lumad gumikan nga kung aduna silay makita nga naglatagaw sa syudad ila gilayon kining ibalik sa ilang lugar kini aron malikayan ang risgo sa sa makamatay nga sakit.
Dugang niya nga mas delikado sila sa maong virus hinungdan nga wala sila gitugtan nga mudaog sa syudad atol sa kapaskohan.
Kalabot niini, mismo ang ahensya na ang muadto sailang lugar aron mupahigayon og pagpanghatag og mga food packs alang sa umaabot nga pasko.
Hinuon, gipunting sa ahensya nga anaa sa 27 hangtod 30 mil ka mga lumad ang hatagan og pinaskohan hangtod Desyembre 16, 2020.
