DAVAO CITY – Giawhag sa Commission on Election (COMELEC) XI ang mga katawhan nga magparehistro na pinaagi sa online o online registration alang sa 2022 National Elections kini aron malikay nga magdasok sa buhaton atol sa panahon sa pagpa rehistro.
Sumala sa pamahayag sa tigpamaba sa COMELEC XI nga si Atty. Gay Enumerables nga mamahimo nga magparehsitro online pinaagi sa “iRehistro” o esearch ang www.irehistro.comelec.gov.ph. Gawas niini, pwede sab matud pa nga makapahigayon og laing concern sa “irehistro” sa maong buhatan sama na lamang sa registration, transfer of registration records, reactivation of registration record, change of name due to marriage court or court order ug uban pa.
Dugang ni Atty. Gay nga, mamahimo lamang nga fill-out ang form nga anaa sa website aron iprint kini ug pagadalhon ang hard copy sa buhatan alang sa QR Scanning ug Biometric.
Giklaro sab sa ahensya nga, ayha pa maka adto sa buhatan kinahanglan nga magpahigayon usa og appointment aron malikayan ang panagtapok hilabi na karon nga nag atubang ang syudad og health crisis.
