DAVAO CITY – Malampuson ang ulahing adlaw sa gipahigayon aggressive community Testing dinhi sa dakbayan diin gipahigayon ang maong lakang sa El rio Phase 1 Gym sa Buhangin diin adunay upat ka mga testing booths ang gipahimutang sa lugar.
Samtang ginatagbo ug ginahatud sab sa mga personahe sa Barangay ang mga mipailalim sa swab tests kini aron masiguro nga dili maglaag-laag ang mga residente human mipailalom sa swab test.
Ipadala dayon sa Cebu City ang makuha nga sample diin sulod lamang sa 48 oras masayran na sa mga residente sa lugar ang ilang mga resulta.
Mapasalamaton sab ang lokal nga kagamhanan sa nahisgutan nga lakang kini aron masayran kung si kinsa ang mga nagpositibo ilabi na nga usa ang nahisgutan sa mga barangay sa siyudad nga taas ang kaso sa Covid-19.
Una ng gibutyag sa Department of Health (DOH) Davao nga andam na sila sa higayon nga adunay pagsaka sa kaso sa Covid-19 sa dakbayan human ang mass testing.
