DAVAO CITY – Andam sumala pa kanunay ang mga personahe sa Davao City Police Office (DCPO) sa pagpatuman ug seguridad kung unsa man nga klase sa Classification sa quarantine ang ipatuman dinhi sa dakbayan.
Kahinumduman nga una ng gibutyag ni Pangulong Rodrigo Duterte kagabie atol sa iyang public address nga ang dakbayan sa Davao lamang sa Davao region ang ilalom sa GCQ hangtud sa katapusan karong bulan sa Disyembre.
Kahinumduman nga gibalik ang dakbayan sa GCQ human nga padayon ang pagsaka sa kaso sa Covid-19.
Mas hugtanon na sab ang gipatuman nga mga lakang karon sa siyudad sama na lamang sa pagbalik sa Food and Medicine pass ingon man pag-scan sa mga QR code sa higayon nga molatas sa mga checkpoints.
Gikanayon sab ni Mayor Inday Sara Duterte-Carpio nga laoman gayud nga magpabilin sa GCQ ang dakbayan sanglit wala pa naabot sa 14 ka adlaw ang target ayha masayran kung aduna bay kabag-ohan sa sitwasyon sa dakbayan sukad nga gibalik ang siyudad sa GCQ.
