DAVAO CITY – Gipasalig sa Philippine Health Insurance Corporation (PhilHealth) ngadto sa publiko nga bisan magpabilin ang bahad sa Covid-19 hangtud sa mosunod nga tuig, magpadayon sumala pa sila sa ilang Covid-19-related claims nga iduso sa ilang buhatan.
Gikanayong ang Philhealth funds nagpabilin nga stable ug pabilin sab sila nga naga-cater sa uban pa nga claims. Sumala pa kang Dr. Marivic Pula-Malate, officer-in-charge ug division chief sa Healthcare Delivery and Management Division of PhilHealth-Davao, nga gawas sa pagpalig-on sa ilang enrollment program, koleksiyon sa kontribusyon ug pagsaka sa premium rate sa mosunod nga tuig ngadto sa 3.5 percent gikan sa kasamtangan nga rate nga three percent, ang uban nga measures nga ilang gihimo magpabilin nga stable ug sigurado nga dili sumala pa maapektohan Covid-19 claims.
Una na sab sumala pa nga gilusad karon sa PhilHealth-Davao ang ilang Dropbox sa Barangay isip kabahin sa ilang pagpaningkamut nga palig-onon ang enrollment sa mga dili rehistrado nga mga indibidwal.
Gimugna sab nila ang Group Enrollment Scheme diin tumong niini nga ma-enroll ang mga indibidwal nga anaa sa informal sector pinaagi sa ilang organized groups.
Ang maong organisasyon maoy mokolekta sa premium contributions sa ilang mga miyembro ug remit kini ngadto sa PhilHealth.
Gipasalig sab sa ahensiya nga nagapahigayon sila karon ug MPR or Medical Pre-payment Review sa mga data nga gihatag kanila sa mga healthcare providers diin ipailalom kini sa evaluation ug pag-analisa aron masiguro nga walay upcasing nga mahitabo.
