DAVAO CITY – Dead on arrival sa SPMC ang usa ka Bregido Agusto Jr, 36-anyos nga taga Phase 2,SIR Brgy.76-A, ning dakbayan sa Davao pasado alas 11:00 sa gabie sa Times Beach, Matina Aplaya sa operatiba sa Ecoland PNP ubos sa pagdumala ni PMaj.Carol Jabagat, Station Commander.
Una ng gibutyag sa Ecoland PNP, nga samtang gipahigayon ang buybust operation sa nasampit nga lugar nakabantay matud pa ang suspek nga pulis ang iyang katransaksyon hinungdan nga mikuha kini sa iyang .38 revolver ug gipusil ang poseur buyer apan nakabantay kini ug nabalusan ang suspetsado.
Sa pagresponde sa crime scene narekober sa SOCO ang mga basiyo sa bala sa .38 ug basiyo sa .9mm pistol.
Samtang sa ospital narekober sa napatay nga suspek ang mga pakete sa iligal nga druga kon shabu nga mitimbang ug 1 gram ug mga kwarta lakip na ang buybust money. Gihaya na ang patay’ng lawas sa suspek.
