DAVAO CITY – Gikatakda na nga ablihan ang RT-PCR Molecular Diagnostic Center sa mosunod nga bulan diin dako sumala pa kining tabang sa han-ay sa kapulisan ulabi na kadtong adunay mga nakahimamat nga positibo sa covid-19.
Gikanayong pinaagi sa maong pasilidad, dali na lamang nga makapa-ilalom ang kapulisan sa RT-PCR test ingon man ang ilang mga dependents.
Una ng nasayran nga 6 ka mga pulis personnel ang tahasan nga modumala sa maong gambalay nga adunay katakos nmga makapahigayon ug 300 test matag adlaw.
Gikanayong usa na lamang sab ka makina ang hulaton ayha hingpit nga magsugod ang operasyon niini.
Hinuon gitino ni Police Major Eudisan Gultiano, tigpamaba sa police Regional office (PRO) 11 nga hatagan una ug prayoridad ang mga pulis sanglit bisan kinsa lamang ang ilanag makahimamat apan ablihan sab kini sa mga sibilyan sa umaabot nga panahon.
