DAVAO CITY – Hugtanon sumala pa karon ang gihimong proseso sa Philippine Insurance Corporation (Philhealth) ayha sila magpagula og pondo alang sa mga pasyente nga natakdan og COVID-19.
Tipik lamang kini aron malikayan ang upcasing sa ospital sa maong balatian o himuong grabe ang kondisyon sa pasyente bisan nga mild lamang kini aron nga makakuha og mas taas nga pondo.
Hugtanon sab nga gipanghimakak sa Southern Philippines Medical Center (SPMC) nga walay mahitabong upcasing sa sakit nga Covid-19 sanglit aduna sumala pa kini resulta sa mga test nga maoy ilang basehan.
Wala sab sumala pay rason nga ilang manipulahon ang kondisyon sa usa ka pasyente sanglit dili sumala pa madungagan ang ilang suweldo kung ila kining buhaton ilabi na nga fix na ang suholan nga ilang madawat matag bulan bisan pa man og unsa kadaghan nga pasyente ang ilang atimanon.
Kahinumduman nga adunay pipila ka mga ospital sa nasud ang nalambigit sa upcasing sa sakit sa ilang mga pasyente nga maoy hinungdan nga nabutang sab sa kontrobersiya ang PhilHealth.
