DAVAO CITY – Paslak na karon sa presohan ang usa ka 31 anyos nga lalaki kansa nasikop sa gilusad nga drug buy bust operation sa mga sakop sa Davao del Norte Provincial Office sa Philippine Drug Enforcement Agency Regional Office XI kaabag ang Provincial Intelligence Branch sa Davao del Norte Police Provincial Office, Tagum City Police Station ug 3012 Air Intelligence Security Squadron sa Philippine Air Force.
Una ng gilusad ang operasyon sa Purok 1, Barangay Busaon, Tagum City, Davao del Norte.
Naila ang suspek nga si Ronnie Canal Madresta alyas Ronie, 31 anyos, ug residente sa nahisgutan nga dapit diin nakuhaan namaligya sumala pa kini usa ka pakete sa ginadili nga druga sa nagpaka-aron ingnon nga buyer nga motimbang ug kapin kun kulang usa ka gramo nga kantidad sa Php. 9,000.
Dihang gihiling sa kapulisan, kalakip sa mga narekober gikan sa posisyon niini ang kapin kun kulang (15) grams nga adunay street value nga Php. 225,000, one (1) unit .45 caliber nga adunay mga buhing bala, drug paraphernalia ug buy-bust marked money.
Balhug karon si Madresta sa the Tagum City Police Station detention facility.
Samtang ang mga nakumpiskang ginadili nga druga ang isumite sa Laboratory Service of this office alang sa eksaminasyon.
Mag-atubang ang nahisgutan ug kasong kalapasan sa Republic Act 9165 kun Comprehensive Dangerous Drugs Act of 2002.
