DAVAO CITY – Mihatag ug katin-awan ang Inter Agency Task Force COVID 19 sa Island Garden City nga aduna silay gipatuman karon nga mga sumbanan alang sa mga buot motabok sa isla apan adunay dala nga mga minahal sa kinabuhi nga mipanaw na.
Kahinumduman nga una ng nagpagula ug Executive Order No. 226, series of 2020 ang IGACOS nga kinahanglan magdala ug medical certificate kadtong adunay i-transport nga mga patayng lawas isip pagpamatuod nga dili matakod nga balatian ang gikamatyan niini.
Kini sab sumala pa ang i-presenta ngadto sa mga personahe nga gi-deploy sa pantalan ayha kini tugtan nga makasakay sa barge.
Sa higayon nga Covid-19 ang gikamatyan sa biktima, kinahanglan gilayon kini nga i-crimate kini aron masiguro na mapugngan ang pagkatag sa kagaw. Kahinumduman nga ubay-ubay na sab ang natala karon nga mga nagpositibo sa Covid-19.
