DAVAO CITY – Nanawagan si Elizabeth Banzon, head sa Tropical Diseases and Nutrition Division-CHO ngadto sa mga ginikanan nga pabakunahan ang ilang mga anak batok sa tipdas.
Kini human nga ubos pa lamang ang ilang natala nga mga bata nga nabakunahan ug anti-measles diin gikan sa 157, 178 nga target anaa pa lamang 81,732 ang ilang natuplokan o 52%.
Sa kasamtangan padayon sumala pa ang CHO sa pagbisita sa mga barangay sa siyudad aron masiguro nga malukop nila ug bakuna ang mga bata sanglit delikado sab ang maong balatian nga mamahimong mohatud ug komplikasyon ug sagad hinungdan sa kamatayon sa mga bata.
Gitataw ni Banzon nga kung mahadlok nga moadto sa mga health center gumikan sa bahad sa Covid-19, ang ilang mga personahe na ang mobisita sa mga panimalay.
Gawas sa bakuna, nagapanghatag sab ang CHO ug facemask ingon man face shield sa mga ginikanan.
