DAVAO CITY – Mihatag ug katin-awan si Dr. Ashley Lopez, focal person sa Department of Health (DOH) nga ang pagsaka sa kaso sa Covid-19 tipik lamang sa mas ipakusgan pa karon nga contact nga gihimo sa lokal nga kagamhanan.
Kahinumduman nga nakatala ang siyudad sulod na sa pipila ka higayon ug taas nga kaso sa mga natakdan sa kagaw.
Una ng nasayran nga anaa na sa kapin 2,000 ka mga contact tracers nga gi-hire sa ahensiya sa Department of Interior and Local Government (DILG) ang gipakatag karon sa mga nagkadaiyang barangay sa siyudad kini aron masubay kadtong mga indibidwal nga nakahimamat sa mga pasyente nga posibleng natakdan ug Covid-19.
Nanawagan na lamang si Lopez sa publiko nga kung adunay gikatahapan nga na-expose sa Covid-19 sa lugar, mas maayong makiglambigit gilayon sa Barangay o mga hingtungdan nga ahensiya sa kagamhanan.
Dili sab sumala pa maayo nga taguan sulod sa panimalay ang mga pasyente. Subli sab kini nga nagpahimangno sa katawhan nga kung dili mahinungdanon ang lakaw, mas maayo sumala pa nga magpundo na lamang sulod sa mga panimalay.
