DAVAO CITY – Dungan sa labing una nga kasaulogan sa Investors Protection Week 2020 padayon ang panawagan sa Securities and Exchange Commission (SEC) Davao sa publiko nga dili basta-basta nga mo-invest ug dagkong salapi.
Kahinumduman nga daghanang mga residente sa dakbayan sa Davao sa mga nabiktima sa nagkadaiyang investment scheme sa milabay nga tuig diin dagkong kantidad sa salapi ang wala na nabalik sa mga investors.
Sumala pa kang Atty. Katrina Estares, director sa Sec-Davao, kaduhanan ang usa ka investment company kung motanyag kini ug doble nga balik sa kuwarta o return of investment.
Nanawagan na lamang si Atty. Estares ngadto sa publiko nga kung adunay pangalan sa usa ka investment company mas maayo nga subayon kini sa SEC aron masayran kung lihitimo ang operasyon niini ug wala kini nangilad.
Tumong sa maong lakang nga dili na subling mausab ang nahitabo sa milabay nga 2019 diin liboan ang nadani ug naminghoy human nga wala na nabalik kanila nila ang gi-invest nga salapi.
Laoman sumala pa nga daghanan karon ang motumaw nga mga investment company kini aron nga pahimuslan ang mga tawo nga nawad-an trabaho gumikan sa pandemiya.
