DAVAO CITY – Gikatakda na nga ablihan sa mosunod nga bulan ang Davao City Crematorium alang sa mga covid-related deaths sa lungsod.
Sumala pa kang City Engineer’s Office o CEO Head Engr. Jospeh Felizarta, anaa sa 75% na ang completion rate sa nahisgutan nga pasilidad nga gitukod sulod sa Davao Wireless Public Cemetery.
Mamahimong butangan ug duruha ka cremation machines ang City Creamatorium, apan usa lamang una ang i-set up sa CEO diin upat ka mga cadavers ang mamahimong niini nga i-cremate sa usa ka adlaw.
Ang pasilidad nagkantidad ug P14.8 Million nga gipondohan ilalom sa Public Service Enhancement Program sa lungsod.
Una ng gibutyag ni Mayor Inday Sara Duterte nga gipadali sa City government ang pagtukod sa City Crematorium aron nga mapaubsan ang taas nga linya sa mga cadavers nga gina-refer sa mga ospital aron nga ma-cremate, ilabi na karon nga padayon nga nadungagan ang mga namatay nga mga covid positive ingin man ang mga covid suspects.
Sa kasamtangan, ang Davao City Government ang migasto alang sa pag-cremate sa mga covid-related cadavers sa tulo ka mga pribadong crematorium pinaagi sa cremation referal system.
