DAVAO CITY – Anaa na matud pa karon sa “overburdened” ang mga frontline healthcare workers dungan sa padayon nga pagsaka sa kaso sa coronavirus disease (COVID-19) sa Davao Region human nga gilu-agan na ang restrictions ilalom sa modified general community quarantine (MGCQ).
Sumala pa kang Dr. Cleo Fe Tabada, head sa Regional Epidemiology and Surveillance Unit of Department of Health-Davao, kadaghanan sumala pa sa mga overburdened medical staff ang mipailalom sa taas-taas nga leave o mi-resign sa ilang trabaho alang sa ilang kaluwasan.
Gi-angkon ni Tabada nga ang healthcare system sa rehiyon ang anaa na sa alanganin hinungdan nga nabalaka sila nga mamahimong makaapekto kini sa kalidad sa medical services ngadto sa mga tawo.
Samtang gibutyag sab ni DOH-Davao assistant regional director Lenny Joy Rivera nga sa ulahing datus, anaa na sa 845 sa 3,590 healthcare workers sa Davao region ang nagpositibo na sa nagpositibo sa COVID-19.
Kahinumduman nga ang Southern Philippines Medical Center ug satellite facility sa Davao Doctors Hospital sa Barangay Dumoy ning siyudad ingon man Davao Regional Hospital sa Tagum ang nagsilbi nga COVID-19 referral hospitals sa rehiyon.
