DAVAO CITY – Nanghinaot karon ang mga masahista sa Roxas Night Market nga unta mahatagan sila ug trabaho human nga minus na lamang ang nagapamasahe kanila sukad nga gipatuman ang 7:00 pm ngadto na sa 5:00 am nga curfew.
Kahinumduman nga bugtong nga grupo na lamang sa mga masahista ang nahibilin karon sa Roxas night market diin alas kuwatro pa lamang sa hapon, magsugod na sila pagpangita ug mga kustomer.
Apan dili pa gihapon kini ka-igo sanglit ma-ihap na lamang karon ang magpasamahe kanila dili sama kaniadto.
Sa kasamtanan, wala nay naninda ug pagkaon sa lugar human nga duruha ka oras lamang ang gitagana sa lokal nga kagamhanan ngadto kanila.
Nanawagan na lamang karon ang mga nahisgutan sa lokal nga kagamhanan nga unta mahatagan sila ug panginabuhian kun ugaling dili pa mabalik ang normal nga operasyon sa Roxas night market kini tungod aduna matud pa silay mga pamilya nga kinahanglan nila nga pakaonon.
