82 ka mga household lockdown ang gipatuman karon sa dakbayan

DAVAO CITY – Gibutyag ni Davao City Mayor Inday Sara Duterte-Carpio nga adunay 82 ka mga household lockdown ang gipatuman karon dinhi sa dakbayan sa Davao samtang usa ang building lockdown ug wala nay gipatuman nga compound, Purok ingon man street lockdown.

Una niini mapasalamaton ang Mayor sa mga mitabang sa pagbantay sa mga lugar nga apektado sa maong kamandoan sama na lamang sa kapulisan, Brgy. Auxiliary, kapulisan ug kasundalohan.

Samtang kadtong anaa sa mga panimalay diin adunay kabanay nga nagpositibo sa Covid-19, makonsidera ang mga nahisgutan nga closed contact hinungdan nga kinahanglan nga ipailalom gilayon kini sa test sulod sa ikalima hangtud ikapito nga adlaw.