DAVAO CITY – Gi-awhag ni Generose Tecson, head sa City Tourism Operations Office (CTTO) ang mga pasahero sa eroplano nga mas maayong asikasuhon na sa mga nahisgutan ang ilang QR code ayha ang ilang biyahe pauli dinhi sa dakbayan sa Davao.
Gikanayong available na sab karon ang pagkuha ug QR code sa uban nga lugar partikular na sa check in counter sa mga airlines aron nga ma-encode na ang seat number ingon man boarding pass.
Una na sab nga gibutyag ni Tecson nga dakong tabang ang pagpatuman ug QR code aron nga dali na lamang makuha ang impormasyon sa pasahero sa higayon nga aduna kini nakauban nga positibo sa virus o kung infected kini sa kagaw.
Hinuon aduna pa gihapoy pipila ka mga pasahero ang wala pa nakasabot kung paunsa gamiton ang QR code.
