DAVAO CITY – Gihulat na lamang karon sa Davao City Police Office (DCPO) ang mamahimong kamandoan gikan sa City Health Office (CHO) kalabot sa sitwasyon karon sa Toril PNP kansa gipailalom sa lockdown human nga pipila sa ilang mga personahe ug peneriso ang natakdan sa Covid-19.
Una ng nasayran kang Police Capt. Rose Aguilar, tigpamaba sa DCPO nga sa Oktobre 24, 2020 na matapos ang 14 day quarantine sa mga nahisgutan apan kinahanglan una karon nga hulaton ang abiso kung mamahimo na nga ablihan ang ilang buhatan.
Kahinumduman nga sagad sa mga nagpositibo sa kagaw ang susama nga asymptomatic hinungdan nga gi-isolate lamang ang mga nahisgutan.
Una ng nanukad ang virus sa nahisgutan nga Police station sa usa ka peneriso nga nasayran nga nagpositibo human nga mipailalom sa swab test isip kabahin sa rekisitos ayha ibalhin ang mga nahisgutan sa City Jail.
