DAVAO CITY – Gumikan kay nagpabilin pa gihapon karon nga dakong bahad ang covid-19 sa panglawas, gibutyag ni Davao City Mayor Inday Sara Duterte-Carpio nga nga kanselado una karong tuiga ang pagpahigayon ug mga aktibidad dinhi sa siyudad ilabi na karong nangsingabot nga kapaskohan.
Kahinumduman nga usa sa mga kasaulogan sa dakbayan matag mao ang Pasko Fiesta apan dili una kini mamahimo nga himuon aron masiguro nga mapugngan ang pagkatag sa virus.
Apan gitino sa Mayor nga aron mabati pa gihapon ang diwa sa pasko, mamahimo pa gihapon nga himuon ang pagpangapud-apod og regalo ingon man pagbutang ug mga dekorasyon sa pasko sulod sa mga panimalay.
Kahinumduman nga halos mga dagkong aktibidad sa siyudad karong tuiga ang gipangkansela sukad nga natala ang labing una nga kaso sa Covid-19 sa siyudad kaniadtong bulan sa Marso.
