DAVAO CITY – Gipasakahan na ug kaso sa otoridad ang magti-ayon nga nasikop sa buy bust operation human nalambigit sa ginadili nga druga sa Purok 6, Peda, Barangay San Francisco, Panabo City, Davao De Norte.
Una ng naila ang mga dinakpan nga sila si Ricardo Arroyo Grijaldo, Jr., alias Koykoy Grejaldo, 27, ug Jennie Rose Ching Grijaldo, alias Dimple Ching, 27, residente sa nahisgutan nga lugar. Base sa report, ang mga suspek nasikop pinaagi sa mga personahe sa Panabo City Police Station ug uban sa lain pang yunit sa otoridad.
Narekober sa magti-ayon ang mga pakete sa ginadili nga druga , cellphone ug marked money.
Gipasalig sa pamunoan sa Panabo nga palig-onon pa nila ang paggukod sa mga tawo nga nalambigit sa susama nga aktibidad sulod sa ilang area of responsibility.
