DAVAO CITY – Mipahimangno ang City Tourism Operations Office (CTOO) ngadto sa mga air travelers nga moadto dinhi sa dakbayan sa Davao nga dili sumala pa dawaton ang bisan unsa man nga test result gamit ang rapid antigen testing diin laway ang gamiton sa testing isip pamatuod nga wala kini natakdan ug Covid-19.
Sumala pa kang CTOO head Generose Tecson bugtong ang reverse transcription polymerase chain reaction (RT-PCR) test results nga gikuha sa milabay nga 72 hours ang bugtong dawaton sa City Health Office (CHO) nga maoy in charge sa health screening sa Francisco Bangoy International Airport o Davao International Airport.
Gikanayong ang siyudad migamit na RT-PCR isip standard sa pag-detect ug Covid-19 virus.
Sa milabay nga buan sa Hulyo, tanan nga mga pasahero nga mosulod sa siyudad ang gi-require nga magdala ug negative RT-PCR test result human ang pagsaka sa kaso sa Covid-19 cases sa siyudad diin nakadugang niini ang mga miabot nga air passengers.
Ang mga pasahero nga walay negative RT-PCR results, ipailalom pa gihapon kini sa swab test sa airport ug i-refer sa quarantine facility sa siyudad samtang naghulat sa ilang test result nga molungtad ug hangtud 48 hours.
Gikanayong ang Rapid antigen testing giduso karon isip bag-ong klase sa Covid-19 test diin mamahimo sumala pa kini nga makapagula ug resulta sulod sa 15 ngadto na sa 30 minutos.
Gikanayong ang antigen-based rapid diagnostic tests epektibo sumala pa sa pag-detect sa proteins nga makita sa virus.
Ang nahisgutan nga tests ang susama sa pregnancy tests, diin mogula ang blue lines kung positibo ang resulta.
Apan gibutyag sa Department of Health (DOH) nga ang paggamit ug laway sa testing isip alternatibo nga pamaagi sa pag-trace sa Covid-19 ang wala pa napamatud-an nga epektibo inay kinahanglan pa ug dugang nga mga pagtuon.
