DAVAO CITY – Subling gibutyag sa ahensiya sa Department of Education (DepEd) 11 nga andam na sila sa pag-abli sa klase sa Oktubre 5, 2020.
Kahinumduman nga padayon karon ang paghatag ug unang module ngadto sa mga tinun-an diin ila kini nga tubagon samtang anaa sa ilang mga panimalay.
Gikanayong nasayod na ang mga magtutudlo sa ilang himuon nga lakang gumikan kay nabansay na matud pa ang mga nahisgutan kaniadtong bulan sa Hunyo.
Sumala pa kang Jeneilito Dodong Atillo, tigpamaba sa DepEd-11, nga makahulugan sab ang pag-abli sa klase sa adlaw nga lunes gumikan kay nadungan kini sa kasaulogan sa World Teacher’s Day.
Gitambagan sab ang mga ginikanan ng kung adunay wala nasabtan ang ilang mga anak, mamahimong makiglambigit lamang sa mga magtutudlo kini pinaagi sa pag-contact sa ilang cellphone number o pag-message sa social media account.
