DAVAO CITY – Ipatuman na ang QR Code sa mga pasahero sa eroplano nga mosulod sa dakbayan sa Dabaw.
Gikanayon ni Davao City Mayor Inday Sara Duterte carpio nga kinahanglang ipatuman ang QR Code gumikan kay maka-alarma na ang padayon nga pagsaka sa kaso sa mga nag-positibo sa covid 19 sa mga pasahero sa eroplano nga motugpa sa Davao International Aiport.
Dugang pa sa mayor nga magbaton ug test run sa QR code gikan October 7 hangtud October 11, 2020 aron masayran kung unsa ang mga mamahimong problema sa pagpatuman sa nahisgutang sistema ayha kini hingpit nga pormal nga ipatuman na gayud pagka-october 12, 2020.
Gibutyag usab sa mayor nga niadtong September 21 lamang, moabot sa 40 ka mga pasahero sa usaka eroplano nga mitugpa sa davao International Airport ang nag-positibo sa covid 19.
