DAVAO CITY – Laoman sumala pa nga makunhuran na ang paghuot sa dagan sa trapiko dinhi sa dakbayan sa Davao dungan sa gikatakdang pag-abli sa portion sa Bago-Talomo Davao City coastal road.
Kahinumduman nga gikumpirma ni Dean Ortiz ang tigpamaba sa Department of Public Works and Highways (DPWH) 11 nga sa katapusan sa Agosto ning tuig kasamtangan ablihan ang maong dalan nga dakong tabang sa mga motorista ilab na kadtong gikan sa habagatan nga bahin sa siyudad.
Gitataw ni Ortiz nga kung masulosyonan ang suliran sa trapiko dinhi sa dakbayan, laoman ang daghanan sab matud pa ang mobubo sa ilang investment.
Samtang nanawagan na lamang karon si Ortiz nga dili lamang una pasudlan ang maong dalan human nadawat ang impormasyon nga adunay naga-jogging sa lugar ug adunay mga residente daplin sa coastal road ang miguba sa koral ug naghimo ug kaugalingon nga dalan pasulod sa maong dalan.
