DAVAO CTIY – Andam na ang pipila ka mga sakop sa militar ug kapulisan nga gibansay aron motabang sa pagpahigayon ug swab testing kini aron nga madungagan pa ang panginahanglanon sa siyudad ug mga indibidwal nga modetermina sa posibleng kaso sa coronavirus disease 2019.
Kagahapong adlawa, anaa sa 33 ka mga personahe sa Davao City Police office (DCPO) ang nagsugod na sa iyang training aron nga mamahimong swab takers.
Sumala pa kang City Health Office (CHO) head, Dr. Josephine Villafuerte ang pagbansay sa mga nahisgutan ang kabahin sa naunang pahayag ni Mayor Inday Sara Duterte Carpio nga unta magbaton ug kaugalingon nga quarantine facility ang mga police ug militar ilabi na kadtong na-expose sa mga pasyente nga positibo sa Covid-19.
Gitataw sab ni Villafuerte nga ang mga personahe sa Sta. Ana health center maoy magpahigayon ug initial verification sa mga samples ayha i-transmit sa SPMC alang sa testing.
Matag personahe nga mopailalom sa training makadawat ug kompleto nga Personal Protective Equipment (PPE) set ug three sample kits.
