DAVAO CITY – Halos 5,000 ka mga indibidual ang nasikop dinhi sa dakbayan sa Davao gumikan sa nagkadaiyang community quarantine violations sukad Marso ning tuig kasamtangan kini base sa data gikan sa Davao City Police Office (DCPO).
Sumala pa kang DCPO Chief Kirby John Kraft, natala sila ug 4,646 quarantine violators sukad Marso 15 hangtud Agosto 3, ang panahon diin ang siyudad mipatuman ug community quarantine due tungod sa coronavirus disease (Covid-19) pandemic.
Kadaghanan sa mga nasikop ang nakalapas sa guidelines sa food and medicine passes (FM pass) nga anaa a 2,444 violations.
Gisundan kini sa mga nakalapas sa 9 p.m. hangtud 5 a.m. curfew nga anaa sa 1,488. Samtang sa paggamit ug FM pass ug 9 p.m. hangtud 5 a.m. curfew, susama na kini nga gitapos human ang pagpagula ug Executive Order 47.
Gikanayong ang DCPO nakasikop sab ug 379 ka nga indibidwal human nakalapas sa24-hour liquor ban, 226 ang pakyas nga mag-obserba ug physical distancing, 90 sa wala pagsuot ug face masks sa pampublikong public areas, ug 19 sa mga nakalapas sa “Motorcycle Barrier Rule.”
Gikan sa 4,646, nakaduso ang DCPO ug kaso sa 1,835 violators. Gitino ni Kraft nga gipatuman na sa siyudad ang “Motorcycle Barrier Rule” sukad Agosto 2.
Kadaghanan sumala pa sa mga nasikop mao kadtong mga motorcycle drivers nga adunay angkas sa likod nga waay babag tali nilang duruha sa iyang angkas.
Ang mga violator mamahimong mag-atubang ug kasong kalapasan sa Republic Act 11332 o Mandatory Reporting of Notifiable Diseases and Health Events of Public Health Concern Act.
Samtang gikanayon sab ni Kraft nga mas pahugtan pa nila karon ang pagpatuman sa siyudad ug health protocol dungan sa pagtapos sa FM pass ug curfew.
