DAVAO CITY – Gumikan sa nagkadaiyang nga bahad sa Corona virus disease, himuon lamang sa lokal nga kagamhanan nga simple ang selebrasyon sa ika 35th Kadayawan Festival.
Sumala pa kang Mayor Inday Sara Duterte, ablihan ang tinuig nga kapisyestahan sa Agosto 10 aron nga pasalamatan ang labaw’ng makagagahom sa mga nadawat nga blessings sa siyudad luyo sa nasinatian nga Covid-19 pandemic.
Pangunahan sab ni Mayor Inday ang flag-raising ceremony sa Agosto 17 nga gikatakdang salmotan sa mga representante sa 11 ka mga tribu.
Saulogon sab sa dakbayan ang Indigenous People’s Day sa ikatulong semana ikatulong Biyernes sa Agosto diin dungan kini sa Ninoy Aquino Day nga usa ka Special Non-Working Holiday.
Luyo sa gihan-ay nga mga aktibidad, gipasalig ni Mayor Sara nga hugtanong ipatuman ang mga health measures sa tanan nga mga gatherings sama sa pagsuot mask ug social distancing.
Samtang motamud sab sumala pa ang private sector sa mga rekisitos nga ipagula sa lokal nga kagamhanan ug likayan ang garbuso nga selebrasyon.
