DAVAO CITY – Gibutyag ni Davao City Police Office (DCPO) Director Kirby John Kraft nga nakarekober na karon ang lima ka mga sakop sa kapulisan sa Davao City Police Office headquarters nga una ng nagpositibo sa Sars-Cov-2.
Sumala sa opisyal, lima sa unang walo ka mga confirmed Covid-19 cases sa milabay nga Hulyo 21 ang negatibo na sa virus.
Sa kasamtangan, wala pa nila nadawat ang kompleto nga resulta sa second batch o 240 security personnel nga mipailalom sa swab tests sa milabay nga Hulyo 22.
Tanan nga mga personahe nga gipailalom sa tests ang gikan sa pipila ka mga buhatan sa government agencies sa Camp Domingo E. Leonor sama a Philippine Drug Enforcement Agency (PDEA), National Intelligence Coordinating Agency (Nica), Police Security and Protection Group (PSPG), PNP Anti-Cybercrime Group (PNP-ACG) ug PNP Anti-Kidnapping Group (PNP-AKG).
Kahinumduman nga ang labing una nga kaso sa Covid-19 case sa Davao City Police mao ang miyembro sa Special Weapons and Tactics (Swat) Motorcycle Quick Response Team nga nadestino sa Barangay 23-C nga una ng gipailalom sa lockdown tungod sa grabe nga kaso sa Covid-19.
