-- ADVERTISEMENT --
DAVAO CITY – Nanghinaut ang Department of Education (DepEd) 11 nga ikonsidera sa mga ginikanan ang pagpag-enroll sa ilang mga anak samtang wala nagsugod ang klase ug sa gihatag nga lugway sa ahensiya alang sa mga magpa-enroll hangtud bulan sa Setyembre.
Sumala pa kang Jenielito Dodong Atillo, tigpamaba sa DepEd-11 nga taas-taas na ang panahon nga gigahin sa ahensiya alang sa mga ginikanan hinungdan nga angayan lamang nga pahimuslan kini aron nga makapadayon sa pagtuon ang ilang mga anak.
Samtang gibutyag sab ni Atillo nga gikonsidera na sab karon sa ahensiya ang Home schooling aron nga mamahimong kabahin sa blended learning sa mga estudyante gawas sa online ug modular dungan sa pag-abli sa klase karong bulan sa Agosto.
