DAVAO CITY – Padayon karon ang paghatag ug hinabang sa buhatan sa Overseas Workers Welfare Administration o OWWA XI alang sa mga mouli nga Overseas Filipino Workers (OFWs) nga apektado sa Corona Virus Disease o CoViD 19.
Sagad sa mga nahisgutan ang luwas nga nakauli gikan sa Davao International Airport paingon sa ilang mga probinsiya sa tabang sa mga lokal nga kagamhanan.
Samtang gipahimutang sab sa hotel sa lungsod ang mga OFW nga naghulat sa ilang mga sundo sa tabang sa OWWA XI.
Subay sa pinakaulahing record sa OWWA XI sa milabay nga Hunyo 26, anaa na sa 2,916 ang ihap sa mga mipapauli nga mga OFW nga natabangan sa ahensiya.
Grabe sab ang pagpasalamat sa OWWA XI sa mga LGU dili lamang sa rehiyon onse apan sa mga kasikbit nga lugar nga mitabang sa paghatag ug transportasyon sa ilang mga kababayan nga OFW.
