DAVAO CITY – Nagpadayon karon ang gipahigayon nga imbestigasyon sa kapulisan kalabot sa mga opisyal sa Barangay ug mga lungsod sa Davao region sa gikanayong anomalya nga nahitabo sa pagpanghatag ug Social Amelioration Program (SAP).
Sumala sa Criminal Investigation and Detection Group (CIDG), anaa na sa walo ang napasakahan nila ug kaso sa korte diin kadaghanan kanila nag-atubang ug kalapasan sa Bayanihan to heal as one act ingon man anti-graft and corrupt practices act.
Una ng nasayran kang Police Major Milgrace Driz, team leader sa CIDG-11, nga sagad sumala pa sa mga kalapasan sa mga Barangay officials mao ang paglakip sa ilang mga paryente sa listahan sa mga benepisiyaryo bisan tuod nga aduna pay mas kwalipikado nga makadawat ug hinabang.
Pipila sab sumala pa sa mga nahilakip sa SAP ang migamit ug lahi nga pangalan. Una ng nanganti ang Department of the Interior and Local Government (DILG) nga manubag ang mga opisyal nga nalambigit sa anomalya.
