DAVAO CITY – Plano karon nga tanyagan sa Mindanao (MinDA) ug shrimp ingon man fish farming isip panginabuhian sa mga Overseas Filipino Worker (OFW) ug expatriate nga mobalik sa Mindanao tungod pandemya nga hatud sa Coronavirus Disease (COVID-19).
Sumala pa kang MinDA Secretary Manny Piñol, ang duruha ka mga nahisgutan nga aquaculture makahatag sumala pa ug kita sa mga OFW nga nawad-an ug trabaho sa abroad tungod sa COVID-19.
Gitataw sab sa kalihim nga sa tabang sa modernong teknolohiya, dako ang kita sa mga mosulod sa susama nga negosyo.
Gitino ni Piñol, ang Philippine Vannamei o ang White Shrimps production makahatag ug 60,000 metric tons matag tuig.
Dugang niini, ang estimated market requirement sa tibuok nasod ang anaa sa 100,000 metric tons diin nagkulan kini ug 40,000 metric tons.
Gitataw sab sa opisyal nga ang Charoen Pokphand Foods Philippines (CPF Philippines), usa ka Thai agriculture and aquaculture conglomerate ang misaad nga mag-invest alang sa nahisgutan nga panginabuhian.
