DAVAO CITY – Gipanghimakak sa usa ka Lumad organization ang migula nga report nga namatay ang duruha ka mga bata sulod sa UCCP haran tungod sa coronavirus disease (Covid-19).
Sumala sa Pasaka Confederation of Lumad Organizations in Southern Mindanao, usa sumala pa ka sayop ang maong impormasyon.
Kahinumduman nga usa ka walo ka bulan nga batang lumad ang namatay kaniadtong Mayo 9 samtang laing tulo ka bulan pa lamang nga bata sab ang namatay kaniadtong Mayo 18.
Hinuon gikanayon sa Pasaka nga dili pa sab nila makumpirma kung Covid-19 ang gikamatyan sa duruha ka mga bata.
Gikatakda sumala pa nga ipagula karong semana ang test results sa mga ginikanan sa namatay nga mga bata aron masayran kung infected ba kini sa virus.
Kahinumduman nga gipailalom sab karon sa quarantine sulod sa haran ang laing ginikanan sa namatay nga bata ug hugtanon kini nga gimonitor sa volunteer doctors aron masiguro nga walay mahitabo nga transmission sulod sa compound.
Samtang una ng gitino ni Davao City Mayor Sara Duterte-Carpio, nga wala siya nagbutyag nga positibo sa Covid-19 ang mga namatay nga mga bata.
