DAVAO CITY – Gibutyag ni Davao City Mayor Inday Sara Duterte-Carpio nga dili na sumala pa kinahanglan sa mga employers nga magpahigayon ug coronavirus testing sa mibalik nila nga mga empleyado apan kinahanglan nga hugtanon niini nga gipatuman ang physical distancing measures ug hygiene practices sulod sa ilang buhatan.
Gitino sab ni Mayor Inday nga kung buot sa mga employers nga ipailalom sa test ang ilang mga empleyado, kinahanglan nga gastuhan kini sa kompanya.
Nasayran nga ang presyo sa rapid test kits ang anaa sa Php 600 ngadto na sa P1,300 per kit. Kung plano sab sa kompanya nga mogamit ug rapid test kits aro masiguro ang kaluwasan sa ilang mga empleyado, kinahanglan nga mopalit lamang kini ug test kits sa accredited suppliers o kinahanglan aprubado kini sa Food and Drug Administration (FDA).
Sa kasamtangan gigamit sumala pa sa lokal nga kagamhanan ang Rapid Diagnostic Test (RDT) kits isip kabahin sa health screening sa mga residente sa siyudad nga miuli human nga na-stranded sa uban nga lugar sakay sa sweeper ug mercy flights.
