DAVAO CITY – Sama sa uban nga mga relihiyon, kanselado na sab karon ang mass prayers sa Eid’l Fit’r. Pinasikad sa Omnibus Guidelines nga gipagula sa IATF, ang mga lugar nga gipailalom sa General Community Quarantine (GCQ) ang gitambagan nga dili una magpahigayon ug religious gatherings.
Sa higayon nga dili malikayan ang susama nga aktibidad, kinahanglan nga limitado lamang kini sa napulo ka mga tawo.
Samtang aron nga mapabilin ang minimum health ug safety precautions, kinahanglan nga hugtanon ipatuman ang pagsuot ug mask ug adunay social distancing.
Kahinumduman nga lakip ang pagpahigayon ug santos nga misa sa mga simbahan ang temporaryo una karon nga gisuspende sukad nga natala ang kaso Covid-19 sa nasod.
Hinuon gibutyag ni Mayor Inday Sara Duterte-Carpio nga bisan kanselado ang mass prayers sa Eid’l Fit’r, magpahigayon sumala pa ug live broadcast niini ang lokal nga kagamhanan aron padayon pa gihapon nga maka-ampo ang mga kaigsuonang muslim.
