DAVAO CITY – Gitambagan ni Davao City Mayor Inday Sara Duterte-Carpio ang publiko nga subayon ang IATF omnibus guidelines alang sa pagpatuman sa community quarantine sa nasod.
Tipik lamang ang pahayag sa Mayor aron hatagan ug katin-awan nga limitado pa gihapon ang tanan tungod sa kaso sa Covid-19 ug dili pa gihapon tugutan ang pipila ka mga aktibidad sa pagtapok-tapok.
Nanawagan ang Mayor nga basahon ang gipagula nga mga guidelines alang sa advance information sa publiko diin mao kini ang ipatuman sa siyudad sa higayon nga itugot ang General Community Quarantine (GCQ) sa higayon nga matapos na ang extension sa Enhanced Community Quarantine (ECQ) sa Mayo 15 ning kasamtangan nga tuig.
Gitataw sa Mayor nga kinahanglan likayan una ang pagpahigayon ug “GCQ party” gumikan kay wala sumala pa kini nagpasabot nga “Go na ang tanan” o balik na sa normal ang tanan sanglit nagpabilin pa gihapon ang bahad sa Covid-19 sa dakbayan.
