DAVAO CITY – Gipahugtan pa karon sa Department of Health ang ilang contact tracing sa mga barangay sa siyudad nga adunay kumpirmadong kaso sa coronavirus disease 2019 (Covid-19) nga nakaapekto na karon sa 110 ka mga indibidwal.
Una ng gibutyag ni Davao City Mayor Inday Sara Duterte nga miadto na ang mga personahe sa DOH sa Barangay Daliao sa Toril District aron nga magpahigayon ug contact tracing.
Gitataw sab sa Mayor nga adunay mga indibidwal karon ang infected bisan nga wala silay travel history o wala miadto sa sabongan sa Matina Gallera kaniadtong bulan sa Marso.
Gani pipila sumala pa sa mga nagpositibo sa Covid-19 ang walay close contact sa uban nga mga Covid-19 positive individuals.
Gitataw sab ni Mayor Inday nga gipahugtan karon ang contact tracing aron nga matabangan ang siyudad nga mapugngan ang kaso sa Covid-19 ilabi na nga adunay pipila ka mga indibidwal ang walay igong kasayuran nga nakaangkon na sila sa maong balatian.
