DAVAO CITY – Padayon karon nga gi-obserbahan ang kahimtang sa usa ka Russian seaman nga una ng gi-rescue sa COVID-19 medical team sa Mati City Incident Management Team kagahapon human nga nakasinate kini ug ubo ingon man kalintura.
Kahinumduman nga sakay sa cargo ship nga Asphalt Transporter ang 33 anyos Russian seaman ug paingon unta kini sa Australia.
Gikanayong upat ka adlaw na kini nga nagbalatian hinungdan nga gi-rescue na kini sa mga otoridad. Gitagbo kini gikan sa maong barko sa medical team gamit ang speedboat dayon gisakay sa ambulance gikan sa Mati wharf paingon sa eroplano nga naghulat sa pasyente.
Gikanayong dili luya ang Russian seaman diin nakasuot kini ug PPE ug backpack.
Hinuon wala gipadaplin sa kagamhanan sa Mati ang posibilidad nga natakdan kini sa Covid-19 gumikan usab sa mga sintomas nga kalintura ug ubo.
Wala sab sumala pay angayan nga kabalak-an ang mga residente sa lugar sanglit gihimo matud pa ang tukma nga mga pamaagi bisan nga dili pa makumpirma karon nga positibo kini sa covid-19.
