DAVAO CITY – Mamahimo na matud pa nga makapahigayon karon ang Southern Philippines Medical Center (SPMC), ang bugtong hospital nga giilang sub-national laboratory sa Mindanao, og testing samples sa mga indibidwal nga infected sa pagkuyanap sa coronavirus disease (Covid-19).
Sumala pa kang Department of Health (DOH) Davao director Dr. Annabelle Yumang nga anaa na sa 65 samples ang gipailalom sa eksaminasyon sa SPMC.
Gisugdan ang testing kaniadtong Maro 19 diin kinatibuk-ang 100 testing kits ang miabot sa rehiyon.
Bisan nga aduna nay inisyal nga resulta, dili pa kini mamahimong kumpirmahon sa SPMC sanglit isumite pa kini pabalik sa Research Institute for Tropical Medication (RITM) sa Muntinlupa City alang sa validation.
Gikanayong ang RITM maoy modetermina kung ang SPMC adunay katakos nga mopahigayon sa testing sa higayon nga ma-satisfy sila kung paunsa kini gihimo sa hospital.
Kahinumduman nga nanawagan ang publiko ug dugang pa nga mga testing kits aron nga daling masubay ang kondisyon sa mga patients under investigation (PUIs).
