DAVAO CITY – Nagpahimangno ang lokal nga panggamhanan sa Tagum City ngadto sa publiko nga magbinantayon sa pag-share sa mga dili klaro nga impormasyon nga mamahimong hinungdan lamang sa pag-panic sa publiko.
Una ng nagpahigayon ug imbestigasyon ang LGU kalabot sa insidente nga gikalambigitan ni ABC President Coun. Bryan Kim Samuel Angoy.
Mihatag ug katin-awan ang City Health Office nga cleared na si Councilor Angoy isip Person Under Monitoring human nga nakompleto niini ang 14-day quarantine period human ang pagtambong niini sa PCL Convention sa Manila.
Dihang gipahibalo sumala pa sa pamilyang Angoy nga gikan sab ang konsehal sa gipahigayon nga sabong sa New Matina Davao Galleria subay na sab sa kamandoan sa City Government of Davao nga i-quarantine ang mga nangadto sa sabongan kaniadtonh Marso 6 hangtud Marso 13, gilayon sumala pa nga gibalhin sa City Health Office si Konsehal Angoy gikan sa Bishop Joseph Regan Memorial Hospital paingon sa Davao Regional Medical Center.
Padayon sab karon nga gipanubayan ang kahimtang sa panglawas sa nahisgutan nga opisyal.
