DAVAO CITY – Dungan sa pagbalik dinhi sa dakbayan ni World Youth and Junior Sambo Championships 2019 bronze medalist Sydney Sy Tancontian, gipailalom gilayon kini sa self-quarantine.
Kahinumduman nga gawas sa nahisgutan susama sab nga mipailalom sa maong lakang ang national boxing team coaches and boxers ingon man si Aiba Women’s World Boxing Championships 2019 gold medalist Nesthy Alcayde Petecio.
Una ng misalmot sa nagkadaiyang self-quarantine ang mga nahisgutan atol sa nagpadayon nga Asian and Oceanian Olympic Boxing Qualifying sa Amman, Jordan.
Una ng giila si Tancontian, 20 anyos, isip rookie of the year human nga nagmadaugon sa women’s judo gold medal nga gipahigayon sa University Athletic Association of the Philippines (Uaap).
Ayha miabot sa Davao, naabtan pa ang nahisgutan ug lockdown sa Metro Manila.
Una na sab nga gibutyag ni national boxing coach Roel Velasco, nga mipailalom sab siya sa self-quarantine sukad nga mibalik sa nasod kaniadtong Marso 13.
